الكول سنتر

تجربتى ما تجربة شخصية وانما تجربة فرق عمل من المتطوعين بالتعاون مع مركز الايام لدعم ومساندة الكول سنتر بتاع وزارة الصحة ولاية الخرطوم على الرقم 221 فكرتنا انه عملنا كول سنتر داخلي يدعم 221 بمتابعة العينات التى تؤخذ من حالات الاشتباه بمرض الكورونا المتطوعين والمتطوعات الجميلين الشايفنهم فى الصورة ديل بشتغلوا 24 ساعة بنظام الشفت عشان يتابعوا الاتيام البتمشى تاخد العينات من المصابين او المشتبهين في محليات الخرطوم المختلفة ويتاكدوا من انه كل الناس اتلبلغت فريق الفحص مشت ليها ولو ما مشوا السبب شنو وهل العينات وصلت مراكز الفحص ومتابعتهم الدقيقة دى بتعمل علي حل المشاكل والتحديات فى وقتها وبتسهل الوصول للناس والاسراع فى معالجة المصابين. الفريق الجميل ده بتبع كل الارشادات اللازمة للحماية بلبسوا الكمامات وبقعدوا مسافة متر وبستخدموا المعقمات شكرا كتييييير وليكم كل الحب وانتو بتقوموا بالعمل ده وعارفين اخطار انكم تتطلعوا من بيوتكم اقلاها انه تصيبكم كورونا لكن حب الوطن والناس اكبر.

This content is created by the open source Your Priorities citizen engagement platform designed by the non profit Citizens Foundation